CONTRATAS MUNICIPAIS

Unha decena de traballadoras e traballadores de centros cívicos poderían ir a rúa a final de mes

Exterior do Centro Cívico de Novo Mesoiro
Exterior do Centro Cívico de Novo Mesoiro, un dos centros que perdería aos seus traballadores

Demandamos do Goberno municipal que aclare que vai pasar coas traballadoras e cos traballadores dos centros cívicos que non serán subrogados a partir do 1 de abril

Non chega con amosar apoio e solidariedade. Este Goberno municipal cada vez ten máis frontes abertos a respecto das problemáticas que afectan a persoas traballadoras de empresas con contratas municipais: entendemos que non se está a priorizar ás persoas, e neste caso o Executivo local deberá garantir os postos de traballos que a nova empresa ameaza con non subrogar

Unha decena de traballadoras e traballadores de centros cívicos poderían ir a rúa a final de mes

Logo das distintas información aparecidas nos medios de comunicación a respecto da non subrogación dunha decena de persoas traballadoras dos Centros Cívicos a partir do vindeiro 1 de abril, ao asumir a xestión de atención unha nova empresa, demandamos do Goberno municipal que aclare que vai pasar con estas persoas.

E é que as traballadoras e traballadores afectados, dos centros cívicos de Labañou, Os Mallos, Sagrada Familia, Eiris e Novo Mesoiro recibiron a principios de semana comunicación da nova concesionaria do remate dos seus contratos e, por tanto, a non subrogación no seu posto de traballo.

Non é a primeira vez que xorden, durante este mandato, problemas coas empresas que acceden a novas contratacións de servizos polo que entendemos que non se están a garantir debidamente os dereitos das persoas traballadoras polo Goberno municipal á hora de iniciar os procesos de novas adxudicacións.

Independentemente da convocatoria para o vindeiro luns ás partes, ás novas concesionarias dos servizos de consexaría nos centros cívicos e ao cadro de persoal, a sendas reunións, realizada onte pola concelleira de Xustiza Social Silvia Camean, cremos que non chega con amosar apoio e solidariedade. Este Goberno municipal cada vez ten máis frontes abertos a respecto das problemáticas que afectan a persoas traballadoras de empresas con contratas municipais: entendemos que non se está a priorizar ás persoas, e neste caso o Executivo local deberá garantir os postos de traballos que a nova empresa ameaza con non subrogar.

A Coruña, 24 de marzo de 2017

Unha decena de traballadoras e traballadores de centros cívicos poderían ir a rúa a final de mes