Imprimir

Continuamos cos encontros coas asociacións de veciñxs da cidade

bngcidadedacorunha.opennemas.com | 19 de decembro de 2019

foto encontro coa AA VV da Agra
foto encontro coa AA VV da Agra
O grupo municipal do BNG continúa a súa rolda de encontros con distintos colectivos veciñais da cidade para abordar as necesidades e demandas dos barrios e trasladar as preocupacións das veciñas e veciños ao Concello.

Este xoves foi a quenda da Asociación de Veciños da Agra do Orzán, un encontro que dá continuidade aos xa tidos en días anteriores coas AA VV de Feáns, Labañou, Matogrande e Cidade Vella.

Nas próximas semanas están previstos tamén contactos coas AA VV de O Castrillón, Novo Mesoiro, A Enseada do Orzán e Monte Alto.

“Constatamos como en xeral as principais necesidades que ven as veciñas e os veciños son o coidado do espazo público –rúas, prazas e beirarrúas-, a limpeza, as dotacións socio-culturais, as políticas de mobilidade ou mesmo que se teña en conta a propia veciñanza no deseño e posta en marcha de novas infraestruturas”, afirma a concelleira do BNG Avia Veira.
“Sempre foi vocación do BNG termos unha interlocución moi fluída co tecido asociativo da cidade, a comezar polas entidades veciñais, básicas á hora de construír cidade. E desde logo en todos os encontros adquirimos o compromiso de trasladarmos ao concello iniciativas e propostas das veciñas e dos veciños”, conclúe Veira.


 

Podes ver este artigo na próxima dirección /articulo/novas/continuamos-cos-encontros-coas-asociacions-vecinxs-da-cidade/20191219132700008400.html


© 2020 Bloque Nacionalista Galego da Coruña

Bloque Nacionalista Galego da Coruña

Rúa Damas 4, baixo.
15001, Cidade Vella, A Coruña.
Teléfono: +34 981 168 977 - +34 669 381 398
Correo: bngacorunha@gmail.com - bng@coruna.gal - bngacoruna@bng.gal