ORZAMENTOS MUNICIPAIS 2017

Para cando imos ter os orzamentos de 2017?

Rolda de prensa onde dimos conta das nosas propostas de emendas aos orzamentos municipais 2017
Rolda de prensa onde dimos conta das nosas propostas de emendas aos orzamentos municipais 2017

Hoxe cúmprense 3 semanas desde a celebración do Pleno onde se rexeitou a proposta de orzamentos de 2017. Cremos que xa é tempo para que o Goberno municipal mova ficha e de saber que prazos manexa xa que logo podemos atoparnos cunha situación similar á do ano pasado e non ter orzamentos até o mes de maio

Lembramos que no Pleno fixemos fincapé sobre as repercusións que supón o non ter uns orzamentos aprobados, nomeadamente sobre as asociacións e os investimentos necesarios nos barrios, e amosamos a nosa preocupación sobre o alongamento da situación actual sine die

Para cando imos ter os orzamentos de 2017?

Vimos de solicitar ao Goberno municipal que aclare publicamente cando ten pensado dar traslado da nova proposta de orzamentos para o ano 2017.

E é que sinalamos que, desde o 28 de decembro, data da celebración do Pleno onde se rexeitou o proxecto de orzamentos que o Goberno municipal trasladara aos grupos a mediados de decembro, non houbo ningunha nova ao respecto dos prazos que manexa o propio Executivo para volver a traer a debate e aprobación o novo documento.

Hoxe cúmprense 3 semanas desde a celebración do Pleno onde se rexeitou a proposta de orzamentos de 2017. Cremos que xa é tempo para que o Goberno municipal mova ficha e de saber que prazos manexa xa que logo podemos atoparnos cunha situación similar á do ano pasado e non ter orzamentos até o mes de maio.

Neste sentido, cremos que, independentemente de situacións sobrevidas na última semana, o que non se pode permitir e que a cidade sega sen ter uns orzamentos aprobados neste 2017 e mesmo que non se coñezan os prazos que manexa o Executivo xa que é o Goberno quen ten a responsabilidade de elaborar o orzamento en tempo, algo que xa non fixo durante os últimos meses do ano pasado, e non pode eludila.

É pos iso que lembramos que no propio Pleno fixemos fincapé sobre as repercusións que supón o non ter uns orzamentos aprobados, nomeadamente sobre as asociacións e os investimentos necesarios nos barrios, e amosamos a nosa preocupación sobre o alongamento da situación actual sine die.

As actividades das asociacións e das entidades volven a estar doutra volta, e ao igual que o ano pasado, hipotecadas. Os investimentos que garanten as actuacións nos barrios volven a estar en suspenso. Se as cousas se tiveran feito en tempo e forma, como fixemos nós no seu momento, con toda probabilidade xa teriamos uns orzamentos aprobados. Cómpre que o Executivo local non repita o esperpento do ano pasado e procurar ter os orzamentos á maior brevidade.

A Coruña, 18 de xaneiro de 2017

 

Artigos relacionados:

Para cando imos ter os orzamentos de 2017?