ESPOLIO DA CIDADE

Blindemos os terreos da Solana e do Hotel Finisterre

Cabeceira da mani realizada en maio en demandando a devolución dos terreos portuarios obxecto de especulación
Cabeceira da manifestación realizada en maio en demanda da devolución dos terreos portuarios obxecto de especulación

Avanzamos o noso apoio á moción presentada polo Comisión Aberta en Defensa do Común que lle foi achegada a todos os grupos esta semana

A semana pasada valoraramos coma un “oprobio” para A Coruña e para Galiza a actitude do presidente de Portos do Estado, e de “cómplice” a actitude de Feijóo a respecto dos peiraos, e advirtiamos da necesidade de que o Goberno municipal actúe con contundencia e procedese a facer ouvir a voz das coruñesas e dos coruñeses convocando a consulta popular sobre o futuro do terreos portuarios canto antes

Levamos advertindo desde xa hai mais de cinco anos da situación dos peiraos interiores, do pretendido espolio da Coruña é da folla de ruta trazada pola Autoridade Portuaria e Portos do Estado. Cómpre actuar de vez e non perder a oportunidade histórica que nos dá unha maioría absoluta de forzas para protexer os intereses do pobo da Coruña. Por iso animamos a que os grupos municipais da Marea Atlántica e do PSOE apoien tamén esta moción e formen parte desta fronte común, comezando por blindar os terreos da Solana e do Hotel Finisterre

Blindemos os terreos da Solana e do Hotel Finisterre

Esta mañá xa avanzamos que apoiaremos, no Pleno ordinario que se celebrará este luns, a moción que lle foi trasladada a todos os grupos municipais pola Comisión Aberta en Defensa do Común, e na que, entre outros acordos, se solicita que o Pleno aprobe demandar ao Goberno municipal que faga valer nos xulgados, tal e como anunciou o alcalde, a titularidade municipal dos terreos do vello Cárcere da Audiencia, que hoxe forman parte do complexo Solana-Hotel Finisterre, instar, do mesmo xeito, o Goberno municipal para que a modificación do Plan Xeral de Ordenación Municipal-A Solana restableza a característica de público de todo o ámbito concesional dos terreos correspondentes ao Complexo Deportivo da Solana e do Hotel Finisterre, na súa fronte ao Paseo do Parrote, co obxectivo de impedir a súa privatización, ou mesmo cualificar como lamentábel a deslealdade institucional da Xunta e Portos do Estado, marxinando ao concello da Coruña do debate e toma de decisións sobre o futuro dos peiraos e do litoral da cidade, cando é quen ten competencias urbanísticas.

Neste sentido, e facendo referencia á reunión mantida entre o Sr. Llorca e o Sr. Feijoo, valoraramos no mesmo día desta reunión coma un “oprobio” para A Coruña e para Galiza a actitude do presidente de Portos do Estado, e de “cómplice” a actitude do Presidente da Xunta, a respecto dos peiraos, advertindo, asemade, da necesidade de que o Goberno municipal actuara con contundencia procedendo a facer ouvir a voz das coruñesas e dos coruñeses convocando a consulta popular sobre o futuro do terreos portuarios canto antes.

Levamos advertindo desde xa hai mais de cinco anos da situación dos peiraos interiores, do pretendido espolio da Coruña é da folla de ruta trazada pola Autoridade Portuaria e Portos do Estado. Cómpre actuar de vez e non perder a oportunidade histórica que nos dá unha maioría absoluta de forzas para protexer os intereses do pobo da Coruña. Por iso animamos a que os grupos municipais da Marea Atlántica e do PSOE apoien tamén esta moción e formen parte desta fronte común, comezando por blindar os terreos da Solana e do Hotel Finisterre”, sinala a portavoz nacionalista no Concello da Coruña Avia Veira.

Asemade, a moción que elaborou a Comisión Aberta, tamén recolle reiterar en lle esixir á Autoridade Portuaria a devolución gratuíta da Solana e do Hotel Finisterre, cando acabe a actual concesión en 2027, tal e como xa aprobou o Pleno do Concello da Coruña o 9 de xaneiro de 2017, insistindo na oposición á especulación e venda do hotel Finisterre, mediante poxa, e que só beneficiaría intereses privados, e amosar o apoio as iniciativas e convocatorias da propia Comisión.

A Coruña, 4 de novembro 2017

Artigos relacionados:

Blindemos os terreos da Solana e do Hotel Finisterre