BARRIOS

Interesámonos polas actuacións realizadas na contorna da Domus

Contorna da Domus valada e co sinal de advertencia de desprendementos
Contorna da Domus valada e co sinal de advertencia de desprendementos

Preguntamos ao Executivo local a respecto da situación do noiro enfronte da Domus despois de estar valado nas últimas datas polo perigo de desprendementos de rochas en toda a contorna

Xa van varias semanas desde a colocación dun enreixado con varios sinais de advertencia que indican o perigo de desprendementos no perímetro da rúa Albert Camus. Demandamos do Goberno local explicacións a respecto da situación actual, se ten avaliado o risco de desprendementos e que tipo de actuacións está realizando para asegurar todos eses espazos

Interesámonos polas actuacións realizadas na contorna da Domus

Vimos de presentar unha batería de preguntas (que podes ver premendo aquí) a respecto da situación actual da contorna da Domus.

Deste xeito, recollemos a preocupación da veciñanza da zona, xa que logo, despois de se proceder a colocar un valado nas últimas datas polo perigo de desprendementos de rochas en toda a contorna da rúa enfronte da Domus, aínda non foi informada das actuacións previstas.

Neste sentido, salientamos que a única información a respecto do acontecido no noiro situado ao pé da propia Domus é a ofrecida polos sinais colocados no valado perimetral, que advirten de “perigos de desprendementos”, e aconsellan o emprego da beirarrúa oposta, estando un tramo de case 25 metros pechado ao acceso para peóns, e mesmo cun paso provisional para peóns para facilitar este transito.

Porén, e malia as advertencias destes desprendementos, a circulación viaria non está cortada, polo que despois de varias semanas con este valado, aínda non se ten realizado ningunha actuación, o que motiva que presentemos a iniciativa para que se dea conta dos traballos previstos nestes terreos.

Xa van varias semanas desde a colocación dun enreixado con varios sinais de advertencia que indican o perigo de desprendementos no perímetro da rúa Albert Camus. Demandamos do Goberno local explicacións a respecto da situación actual, se ten avaliado o risco de desprendementos e que tipo de actuacións está realizando para asegurar todos eses espazos.

 

A Coruña, 12 de xuño de 2018.