ESCLEROSE MÚLTIPLE

Estivemos con ACEM na Barbería Solidaria

O noso Responsábel Local, Manel Méndez, antes e despois de "visitar" a II Edición da Barbería Solidaria
O noso Responsábel Local, Manel Méndez, antes e despois de "visitar" a II Edición da Barbería Solidaria

Participamos da II Edición do evento Barbería Solidaria en favor da Esclerose Múltiple celebrada esta tarde nos Xardíns de Méndez Núñez

Asistimos a este evento convidadas pola Asociación Coruñesa de Esclerose Múltiple - ACEM da que destacamos o seu labor, ao longo de todo o ano, de información e asesoramento aos afectados pola esclerose múltiple e aos seus familiares ademais de sensibilizar á opinión pública e as administracións

Estivemos con ACEM na Barbería Solidaria

Participamos neste serán da II Edición do evento Barbería Solidaria en favor da Esclerose Múltiple celebrado nos Xardíns de Méndez Núñez.

Invitados pola Asociación Coruñesa de Esclerose Múltiple – ACEM, quixemos darlles traslado do noso apoio a este tipo de actividades co obxecto de sensibilizar á opinión pública e as administracións a respecto dunha das enfermidades neurolóxicas máis comúns entre a poboación de 20 a 30 anos.

Neste sentido destacamos o traballo de información e asesoramento aos afectados pola esclerose múltiple que fai ACEM ao longo de todo o ano, xa que o seu labor vai máis alá desta actividade, que cumpriu a súa segunda edición, xa que logo prestan servizos de atención psicolóxica, fisioterapia, terapia ocupacional ou talleres de estimulación cognitiva, entre outros.

Por último, tamén queremos trasladar os nosos parabéns a esta entidade pola actividade realizada e a todas persoas que colaboraron para realizala, incluídas as barbeiras e barbeiros procedentes de distintas parte de Galiza e do Estado.

A Coruña, 10 de xuño de 2017.