Hoxe volvemos ter unha trapallada de Pleno onde se constatou que tanto Marea, como PP e PSOE priman os intereses partidistas de seu por diante dos intereses da cidade e do pobo.

E é que despois do visto hoxe durante o desenvolvemento do Pleno onde se debateu a Cuestión de Confianza vinculada aos orzamentos de 2017, puidemos observar que o BNG é a única organización que centra o seu traballodo en resolver os problemas da Coruña, sen mirar cara o seu embigo, nin entrar en dimes nin diretes, nin en voltas nin reviravoltas, nin do que máis interesa para a súa organización política, non se sabe en función de que intereses. E malia as advertencias que levamos facendo desde o verán do ano pasado, cando xa daquela demandabamos que nos puxeramos a traballar nos orzamentos deste ano.

Así, a nosa concelleira Avia Veira, que comezou a súa intervención (podes descargala integramente aquí) lembrando o percorrido que deu lugar á convocatoria do Pleno e o porque da Cuestión de Confianza, centrouse en destacar o traballo e as achegas do BNG ao documento de proposta dos orzamentos desde a nosa posición de oposición crítica, e advertiu que o voto afirmativo do Bloque, "por moito que só sexa un, non é en balde, que ten un valor porque o crédito desta volta concédese con escepticismo”, e convidou ao Goberno municipal a reflexionar.

Xa que logo, e ao igual que no Pleno da invesidura, o BNG aposta por un cambio de políticas reais na cidade, e entendemos que o Goberno local debería facelo tamén xa que logo na actualidade fáltalle valentía e atrevimento nas súas políticas e na súa xestión, e chamamos a rematar co espectáculo que se está dado para facer efectivo ese cambio real polo que apostabamos ao comezo do mandato (preme aquí para ver o momemto da intervención).

Por outra banda, e tal e como destacou Avia despois do Pleno na comparecencia pública posterior (podes escoitala aquí), agora ábrese un período de incertidúme que consideramos lamentábel pois durante o próximo mes estaremos sen orzamentos, cos efectos negativos que ten para a cidade, retrsaando investimentos ou paralizando as actividades das asociacións e facéndolle perder o tempo a cidade.