REXISTRO MUNICIPAL

O colapso no Rexistro municipal segue meses despois das nosas denuncias

Amoreamento de persoas no Rexistro municipal de María Pita acontecido nestes días
Amoreamento de persoas no Rexistro municipal de María Pita acontecido nestes días

Volveremos levar a Pleno a situación caótica do Rexistro Xeral de María Pita

O colapso continuado nas últimas semanas, tanto do Rexistro municipal como dos servizos de Padrón, volve a reproducir a situación que denunciamos en setembro e en outubro do ano pasado. Para as coruñesas e coruñeses que teñen que vir até aquí a realizar as súas xestións e para as traballadoras e os traballadores a situación é insostíbel. Onte, ao medio día, había máis de setenta persoas agardando a súa quenda nas instalacións municipais. E o Goberno municipal segue sen realizar ningunha actuación para solucionar este colapso

Solicitaremos na iniciativa a restauración dos servizos do Padrón que foran retirados do Ágora e do Forum Metropolitano

Lembramos que presentamos sendas iniciativas, tanto no modificativo M10/2017 como para os orzamentos municipais de 2018, para reservar investimentos para a ampliación das instalacións municipais de María Pita

O colapso no Rexistro municipal segue meses despois das nosas denuncias

Volveremos a levar a debate en Pleno a situación de colapso que está sufrindo estas ultimas semanas as instalacións do Rexistro Municipal e do Padrón, no propio edifico de María Pita.

Deste xeito, volvemos recoller as denuncias sobre a situación que están sufrindo as persoas usuarias dos servizos xerais do Rexistro e do Padrón, así como as traballadoras e os traballadores, do mesmo xeito a como xa fixemos a altura de setembro e outubro do ano pasado, ao se repetir a caótica situación destes servizos, e que dan lugar a que se produzan esperas nas quendas de atención dunha hora, e que se acumulen máis de setenta persoas, como mínimo, para seren atendidas.

O colapso continuado nas últimas semanas, tanto do Rexistro municipal como dos servizos de Padrón, volve a reproducir a situación que denunciamos en setembro e en outubro do ano pasado. Para as coruñesas e coruñeses que teñen que vir até aquí a realizar as súas xestións e para as traballadoras e os traballadores a situación é insostíbel. Onte, ao medio día, había máis de setenta persoas agardando a súa quenda nas instalacións municipais. E o Goberno municipal segue sen realizar ningunha actuación para solucionar este colapso.

Así, na iniciativa solicitaremos a restauración dos servizos do Padrón que foran retirados do Ágora e do Forum Metropolitano, servizos que no seu momento foron centralizados nas instalacións municipais de María Pita, malia a denuncia realizada polo persoal laboral do concello e a CIG, xa que logo a decisión fora tomada sen explicación algunha.

Asemade, tamén volveremos solicitar habilitar os investimentos necesarios para as oficinas situadas no Palacio municipal para unha reforma integral e se adecúen as instalacións para a atencións ao público e ás normas de Saúde Laboral e PRL, en cumprimento da iniciativa que presentamos no Pleno de outubro, e que non foi aínda atendida.

Lembramos que presentamos sendas iniciativas, tanto no modificativo M10/2017 como para os orzamentos municipais de 2018, para reservar investimentos para a ampliación das instalacións municipais de María Pita, así como un rogo oral en outubro no que solicitabamos a reforma destes espazos, para amplialos e que a xente non acabase amoreada, tal e como está volvendo a acontecer estes días, para a reforma dos baños e para a instalación dun sistema de ventilación das superficies. E exiximos do Executivo local que solucione de vez a situación xa que entendemos que este colapso ten fácil solución e que só a súa indiferenza para coa atención ao público e á veciñanza e para cos dereitos laborais das traballadoras e traballadores municipais están a provocar que a situación se perpetúe.

A Coruña, 3 de abril de 2018.

 

Artigos relacionados: