BARRIOS

Case tres meses despois do desprendemento aínda non se realizou ningunha actuación

Situación do desprendemento a día de hoxe na rúa Jaime Hervada
Situación do desprendemento a día de hoxe na rúa Jaime Hervada

Preguntamos novamente polo desprendemento de terra nun noiro na rúa Jaime Hervada no barrio do Ventorrillo

Imos xa para os tres meses desde o desprendemento de parte deste noiro, e despois de preguntar sobre o mesmo ao Goberno municipal, a situación segue exactamente igual, e as respostas transmitidas limítanse a sinalar que o terreo é de titularidade privada devolvendo a incidencia á policía. Preguntámonos entón cal é o labor do Goberno cando parte dunha rúa está ocupada por terra e pedras, invadindo unha vía de uso público e con valados e sinais indicativos ciscados e aparentemente abandonados por riba do entullo

Case tres meses despois do desprendemento aínda non se realizou ningunha actuación

Volvemos a preguntar (podes ver aquí a iniciativa) sobre a situación dun desprendemento na rúa Jaime Hervada no barrio do Ventorrillo, despois de que a día de hoxe comprobaramos que a situación segue sen resolverse.

Xa preguntamos polo este desprendemento, acontecido a principios do mes de marzo, e do que solicitabamos do Goberno municipal á aquela altura, aclaracións xa que logo, no 14 de marzo, despois de dúas semanas, non se tiña constancia de que se realizaran máis actuacións que a intervención que realizara a Policía Local, no momento do desprendemento, e que asegurara, valara e precintara a zona.

Naquel intre queríamos que o Goberno municipal aclarara que medidas pensaba realizar para o aseguramento e consolidación da parede vertical deste noiro, se existía algún risco de desprendemento, a maiores do xa producido nesa zona, e en toda a contorna dese noiro da rúa Jaime Hervada, e por que naquelas dúas semanas desde o desprendemento non se fixera ningunha outra actuación que a realizada pola propia Policía Local o día do suceso. Mais pasados dous meses e medio atopámonos coa sorpresa de que segue sen facerse ningunha actuación desde entón, e nin tan sequera foi retirado o entullo provocado polo desprendemento

Do mesmo xeito, non queda outra que denunciar que o Goberno da Marea Atlántica non respondeu ás nosas preguntas sobre este noiro formuladas para a súa resposta escrita no Pleno de abril (podes descargalas premendo aquí).

Vista xeral do oiro no Ventorrillo que sufriu o desprendemento

O Executivo da Marea limitouse a facer consultas coa área de Patrimonio Urbanístico a respecto da titularidade do solar afectado polo desprendemento e resolveu devolver a incidencia á policía, algo que consideramos exemplo dunha inhibición impropia a respecto das responsabilidade de goberno, e algo que mesmo sinalamos na nova iniciativa presentada, xa que logo, “independentemente de que os terreos sexan de titularidade privada, o desprendemento prodúcese desde un noiro cara a estrada Jaime Hervada, que é empregada de forma pública, como zona de aparcamento e circulación de vehículos. Asemade, tamén é unha zona, ao se producir estacionamentos como dicimos, que é empregada por peóns.

Deste xeito, insistimos en preguntar ao Goberno municipal se ten avaliado a posibilidade de que exista algún risco de desprendemento, se xa teñen “devolto a incidencia á policía”, e cando se produciu esta “devolución”, e, tamén, que medidas se pensan tomar mentres sega a situación como na actualidade.

Imos xa para os tres meses desde o desprendemento de parte deste noiro, e despois de preguntar sobre o mesmo ao Goberno municipal, a situación segue exactamente igual, e as respostas transmitidas limítanse a sinalar que o terreo é de titularidade privada devolvendo a incidencia á policía. Preguntámonos entón cal é o labor do Goberno cando parte dunha rúa está ocupada por terra e pedras, invadindo unha vía de uso público e con valados e sinais indicativos ciscados e aparentemente abandonados por riba do entullo.

A Coruña, 18 de maio de 2018.

 

Noticias relacionadas: